yaponiye «shimaliy koréye» témiliq bashliqlar yighinigha sahibxanliq qilidu

amérika, jenubiy koréye we yaponiye «koréye yérim arilini yadrosizlashturush we shimaliy koréye bilen söhbetlishish» yighinini, yaponiyening paytexti tokyoda ötküzidu.

1705647
yaponiye «shimaliy koréye» témiliq bashliqlar yighinigha sahibxanliq qilidu
 
türkiye awazi radiyosi xewiri: amérika, jenubiy koréye we yaponiye «koréye yérim arilini yadrosizlashturush we shimaliy koréye bilen söhbetlishish» yighinini, yaponiye paytexti tokyoda ötküzidu.
kiyodo agéntliqining diplomatik menbelerdin neqil qilghan xewirige asaslanghanda, yaponiye sahibxanliq qilidighan «shimaliy koréye» témiliq bashliqlar yighini,  yuqiri derijilik emeldarlarning qatnishishi bilen kéler hepte ötküzülidiken.
bashliqlar yighinigha, yaponiye tashqi ishlar ministirliqining asiya we tinch okyan ishliri bash diréktori takéxiro funakoshi, amérika pirézidénti jo baydinning shimaliy koréye alahide wekili sung kim we jenubiy koréyening koréye yérim arili tinchliq we bixeterlik ishliri alahide wekili nox kyu duk qatnishidu.
üch döletning bu bashliqlar yighinida, «koréye yérim arilini yadrosizlashturush» ni we qurulushining 73 - yilliqini tebriklewatqan shimaliy koréye bilen söhbetlerning axirqi ehwalini muzakire qilidu.
shimaliy koréye wuxen wirusigha qarshi chégrasini taqighan bolup, iqtisadiy ehwalimu muzakire qilinidighan bashliqlar yighinida yene, shimaliy koréyeni xelqara teshkilatlar arqiliq waksina we insanperwerlik yardimi bilen teminlesh muzakire qilinidu.
baydin hökümiti shimaliy koréyege qaratqan «ölchemlik we paydiliq diplomatiye» dep teripligen hemde amérika we uning ittipaqdashlirining bixeterlikini ashurushni meqset qilghan siyaset april éyi (2021) ning axirida élan qilinghan idi.
yuqiri derijilik emeldarlarni bir yerge jem qilghan üch terep bashliqlar yighini, eng axiriqi qétim 6-ayda amérika pirézidénti jo baydin hökümitining chaqirqi bilen jenubiy koréyening paytexti séulda ötküzülgen idi.


مۇناسىۋەتلىك خەۋەرلەر