йапонийә «шималий корейә» темилиқ башлиқлар йиғиниға саһибханлиқ қилиду

америка, җәнубий корейә вә йапонийә «корейә йерим арилини йадросизлаштуруш вә шималий корейә билән сөһбәтлишиш» йиғинини, йапонийәниң пайтәхти токйода өткүзиду.

1705647
йапонийә «шималий корейә» темилиқ башлиқлар йиғиниға саһибханлиқ қилиду
 
түркийә авази радийоси хәвири: америка, җәнубий корейә вә йапонийә «корейә йерим арилини йадросизлаштуруш вә шималий корейә билән сөһбәтлишиш» йиғинини, йапонийә пайтәхти токйода өткүзиду.
кийодо агентлиқиниң дипломатик мәнбәләрдин нәқил қилған хәвиригә асасланғанда, йапонийә саһибханлиқ қилидиған «шималий корейә» темилиқ башлиқлар йиғини,  йуқири дәриҗилик әмәлдарларниң қатнишиши билән келәр һәптә өткүзүлидикән.
башлиқлар йиғиниға, йапонийә ташқи ишлар министирлиқиниң асийа вә тинч окйан ишлири баш директори такехиро фунакоши, америка пирезиденти җо байдинниң шималий корейә алаһидә вәкили суң ким вә җәнубий корейәниң корейә йерим арили тинчлиқ вә бихәтәрлик ишлири алаһидә вәкили нох кйу дук қатнишиду.
үч дөләтниң бу башлиқлар йиғинида, «корейә йерим арилини йадросизлаштуруш» ни вә қурулушиниң 73 - йиллиқини тәбрикләватқан шималий корейә билән сөһбәтләрниң ахирқи әһвалини музакирә қилиду.
шималий корейә вухән вирусиға қарши чеграсини тақиған болуп, иқтисадий әһвалиму музакирә қилинидиған башлиқлар йиғинида йәнә, шималий корейәни хәлқара тәшкилатлар арқилиқ ваксина вә инсанпәрвәрлик йардими билән тәминләш музакирә қилиниду.
байдин һөкүмити шималий корейәгә қаратқан «өлчәмлик вә пайдилиқ дипломатийә» дәп тәриплигән һәмдә америка вә униң иттипақдашлириниң бихәтәрликини ашурушни мәқсәт қилған сийасәт април ейи (2021) ниң ахирида елан қилинған иди.
йуқири дәриҗилик әмәлдарларни бир йәргә җәм қилған үч тәрәп башлиқлар йиғини, әң ахириқи қетим 6-айда америка пирезиденти җо байдин һөкүмитиниң чақирқи билән җәнубий корейәниң пайтәхти сеулда өткүзүлгән иди.


مۇناسىۋەتلىك خەۋەرلەر