сүрийәниң шималидики қораллиқ гуруппилар өзара бирләшти

сүрийә миллий армийәси күнлүки астидики бәш қораллиқ гуруппа «сүрийә азадлиқ фиронти» намида бирләшти.

1705500
сүрийәниң шималидики қораллиқ гуруппилар өзара бирләшти

түркийә авази радийоси хәвири: сүрийәниң шималида «сүрийә миллий армийәси» күнлүки астида һәрикәт қиливатқан бәш қораллиқ гуруппа, «сүрийә азадлиқ фиронти» намида бирләшти.

баб наһийә мәркизидә өткүзүлгән мурасимда, сүрийә миллий армийәси тәркибидики һамза полки, мутасим полки, султан сулайман шаһ полки, 20-полк вә шимал бүркүтлири биригадиси қатарлиқ бәш қораллиқ гуруппиниң «сүрийә азадлиқ фиронти» намида бирләшкәнлики елан қилинди.

бирләшкән қораллиқ гуруппилар террорлуқтин тазиланған фират қалқини, зәйтун шехи вә тинчлиқ булиқи районлирида, түркийә армийә қисимлири билән мүрини мүригә тирәп күрәш қилиду.

сүрийә азадлиқ фиронти күнлүки астида, тәхминән 20 миң сүрийә миллий армийәсиниң әскири болиду.

мурасимға, сүрийә вақитлиқ һөкүмитиниң муавин мудапиә министири һәсән һаммедә, мунасивәтлик һәрбий әмәлдарлар вә районниң алдинқи қатарда туридиған кишилири қатнашти.

муавин мудапиә министири һәсән һаммедә мурасимда сөз қилип, сүрийә миллий армийәси күнлүки астидики қораллиқ гуруппиларниң бу хил бирлишишкә қарап йүзлинишини қоллайдиғанлиқлирини билдүрди.

сүрийә азадлиқ фиронтиниң баш қоманданилқиға сайланған мутасим аббас шималдики террорлуқтин тазиланған районларда террорлуқ тәшкилатлириға вә террорлуқниң увилириға қарши һәрбий һәрикәтләрни давамлаштуридиғанлиқлирини қәйт қилди.

у: «сүрийә миллий армийәси намида үстимизгә чүшкән вәзипилиримизни ада қилимиз. бирлишишниң хәйрилик болушини тиләймән» деди.    



مۇناسىۋەتلىك خەۋەرلەر