baydin xizmetchilerge waksina emlesh mejburiyitining dairisini kéngeytti

amérika pirézidénti jo baydin buningdin ilgiri biri qisim fédératsiye xizmetchilirining mejburiy waksina emlitishi toghrisidiki buyruqining dairisini kéngeytti.

1705540
baydin xizmetchilerge waksina emlesh mejburiyitining dairisini kéngeytti

türkiye awazi radiyosi xewiri: amérika pirézidénti jo baydin buningdin ilgiri biri qisim fédératsiye xizmetchilirining mejburiy waksina emlitishi toghrisidiki buyruqining dairisini kéngeytip, barliq fédératsiye we sehiye xizmetchiliri bilen  100 din artuq xizmetchisi bolghan xizmet orunliridiki kishilerning waksina emlitishining shert ikenlikini jakarlidi.

pirézidént jo baydin aqsarayda ötküzülgen muxbirlarni kütüwélish yighinida, wuxen wirusi (kowid – 19) gha qarshi küresh dairiside tashlinidighan yéngi qedemlerni élan qildi.

qollirida yuqumning tarqilishining aldini alidighan waksinagha oxshash küchlük qoralning barliqini tekitligen baydin: «amérikadiki 80 milyon kishining téxi waksina emletküzmigenlikini körüsh kishini ümidsizlendüridu» dégenlerni qeyt qildi.

u, yuqumning délta wariyanti sewebidin döletning qiyin künlerni bashtin kechürüwatqanliqigha isharet qilip: «bu yuqum, waksina emlenmigenlerning yuqumi» dédi.

baydin , waksina emlesh mejburiyitining dairisining kéngeytilgenlikini, uning barliq fédératsiye we sehiye xizmetchiliri bilen 100 din artuq xizmetchisi bar xizmet orunlirida ishleydighanlarni öz ichige alidighanliqini bayan qilip: «waksina emlesh shexsiy erkinlik emes, etrapingizdikilerni qoghdashtur» dédi.

amérika pirézidénti baydin hazirghiche waksina emletküzmigenlerge xitaben: «waksina emlitish üchün némini saqlawatisiler? hazir toghra yolni tallap, waksina emlitinglar» dep chaqiriq élan qildi.

baydin, eger waksina emletküzgenlerni qoghdash üchün qoshumche waksina emlesh testiqlansa, qollirida yéterlik derijide üchinchi quta waksinaning barliqini tekitlidi.

yuqumgha munasiwetlik tedbirlerning tesirige eng köp mekteplerning uchraydighanliqini bayan qilghan baydin, zörür tedbirlerni yolgha qoyup mekteplerni ochuq tutush üchün pütün küchi bilen tirishidighanliqlirini sözlirige ilawe qildi.



مۇناسىۋەتلىك خەۋەرلەر