yaponiye putinning taqim aralliri pilanigha qarshi ikenlikini jakarlidi

yaponiye hökümiti rusiye pirézidénti wiladimir putinning «kuril taqim arilida tamozhnisiz rayon qurush we meblegh salghuchi chet el shirketlirini 10 yil boyiche bajtin kechürüm qilish» pilanigha qarshi chiqti.

1704543
yaponiye putinning taqim aralliri pilanigha qarshi ikenlikini jakarlidi

türkiye awazi radiyosi xewiri: yaponiye ichki kabinéti bash katipi kato katsonobu, putinning rusiyening wiladiwostok shehiride ötküzülgen sherqiy iqtisad munbiri yighinida otturigha qoyghan kuril taqim arallirigha munasiwetlik pilanigha étiraz bildürdi.

kato, kuril taqim arilida tamozhnisiz rayon qurush pilanining, yaponiye bilen rusiyening bu arallardiki iqtisadiy paaliyetlerge munasiwetlik ilgiriki kélishimlirige xilap  ikenlikini otturigha qoydi.

u, bu pilanning öz dölitining arallargha tutuwatqan meydanigha zit ikenlikini eskertip, buning ikki döletning iqtisadiy paaliyetler toghrisidiki dawamlishiwatqan söhbetlirigimu xilap ikenlikini tekitlidi.

kato, yaponiyening qanuniy ornigha ziyan yetküzmey turup, arallardiki iqtisadiy paaliyetlerni dawamlashturushni mezmun qilghan qanun layihesining moskwa hökümitige sunulghanliqini bildürdi.

putin, rusiyede «jenubiy koril», yaponiyede «kuril rayonliri» dep atilidighan ikki dölet otturisidiki térritoriye majirasigha seweb bolup kéliwatqan kuril taqim aralliridiki tamozhnisiz soda rayonigha meblegh salidighan yapon we chet el shirketliridin 10 yil boyiche bajning kechürüm qilinidighanliqini otturigha qoyghanidi.

sowét ittipaqi 1945-yili ikkinchi dunya urushi axirlashqandin kéyin, yaponiyening tinch okyanni oxotsk déngizidin ayrip turidighan 1300 kilométir uzunluqtiki kuril taqim arallirini özige qoshuwalghanidi.

qoshuwélinghandin kéyin yaponiye «shimaliy rayonlar» dep ataydighan zémin torisida ixtilap yüz bergenliki üchün, rusiye bilen yaponiye otturisidiki tinchliq shertnamisi imzalash söhbetliri ünümge érishelmey kelmekte.


خەتكۈچ: #uyghurche , #kuril , #yaponiye , #rusiye

مۇناسىۋەتلىك خەۋەرلەر