méksikada bir doxturxanini su bésip, 16 bémar qaza qildi
méksikada qattiq yamghur yéghish sewebidin bir doxturxanini su bésip, 16 bémar qaza qildi.
1704434
türkiye awazi radiyosi xewiri: méksika metbuatliridiki xewerlerge asaslanghanda, hidalgo ölkisidiki ijtimaiy kapalet doxturxanisini qattiq yamghur seweblik kelkün bésip ketken.
dairiler tula deryasining téship kétishi netijiside doxturxanining bir nechche minut ichidila su bilen tolghanliqini, tok éqiminingmu buzulishi sewebidin oksigén üskünilirining ziyangha uchrighanliqini élan qildi.
ijtimaiy taratqularda tarqalghan sinalghularda, doxturxanining su astida qalghanliqi, sehiye xadimlirining bémarlarning karwatlirini suning otturisigha heriketlendürüshke tirishiwatqanliqi körilidu.
weqede 16 bémar qaza qildi. pütün ölke miqyasida qattiq yamghur sewebidin kem dégende 39 ming kishining tesirge uchrighanliqi élan qilindi.