hindonéziyediki bir türmide éghir ot apiti yüz berdi

sherqiy jenubi asiya döliti hindonéziyening paytexti jakartagha yéqin jaydiki tangérang türmiside ot apiti yüz bérip, 41 mehbus hayatidin ayrildi.

1704312
hindonéziyediki bir türmide éghir ot apiti yüz berdi

türkiye awazi radiyosi xewiri: hindonéziye qanun we kishilik hoquq ministirliqining türmiler bashqarmisi bayanatchisi rika apriant, türmining zeherlik chékimlik ​​jinayiti bilen eyiblinip qolgha élinghan mehbuslar qamalghan s binasida yüz bergen ot apitide 41, mehbusning qaza qilghanliqini, 39 mehbusning yarilanghanliqini bildürdi.

bayanatchi rika, shu yer waqti saet 01:00 de yüz bergen otning pütünley öchürülgenliki, türmini kontrol qilish üchün nechche yüz esker we saqchining rayongha ewetilgenlikini qeyt qildi.

u, ot apitining sewebining téxi éniq emeslikini eskertti.

hindonéziyening sighimidin ashurup mehbuslar qamalghan türmiliride isyan kötürüsh, qéchip kétish weqeliri dawamliq yüz bérip turidu. ot apiti yüz bergen tangérang türmisi resmiy istatistikigha qarighanda 1225 adem sighimchanliqigha ige bolsimu, uninggha texminen 2000 mehbusning qamalghanliqi ilgiri sürülmekte.



مۇناسىۋەتلىك خەۋەرلەر