hindistanda xeterlik nipah wirusi yuqumi otturigha chiqti
hindistanda bir bala shepereng menbelik nipah wirusi sewebidin qaza qildi.
türkiye awazi radiyosi xewiri: «quyash géziti» ning xewirige asaslanghanda, kerala shehiride 12 yashliq bir bala shepereng menbelik nipah wirusi bilen yuqumlanghandin kéyin qaza qilghan.
saqchilar balining öyining etrapidiki rayonlarni qamal qilghan, malappuram we kannur rayonida jiddiy haletke ötülgen.
qaza qilghan bala bilen alaqilashqan 188 kishining salahiyiti éniqlanghan we bu kishilerning 20 nepiri «xeterlik derijisi yuqiri» katégoriyesige kirgüzülgen.
kerala sehiye ministiri wéna jorj bu yuqumlinish weqesining shenbe küni döletlik wirus tetqiqat orni (NIV) teripidin jezmleshtürülgenlikini éytti.
nipah wirusi yéngi tiptiki tajisiman wirus (kowid-19) din 75 hesse artuq öltürgüch wirus bolup, dunyada eng xeterlik wiruslarning biri dep qarilidu.
mutexessisler ilgiri méngining iship kétishi, qusush we tutqaqliq qatarliq késellik alametliri körülidighan bu wirusning tarqilish éhtimalliqi barliqi heqqide agahlandurush élan qilghan idi.
