пәләстинлик мәһбуслар исраилийә түрмисидин қечип кәтти

түркийә авази радийоси хәвири: исраилийәниң рәсмий тарқатқу оргини «KAN» ниң түрмә мәсуллирини мәнбә қилған хәвиригә асасланғанда, бихәтәрлик қисимлири түнүгүн кәчтә дөләтниң шималидики гилбова түрмисидин тонел қезип қечип чиққан 6 пәләстинликни издәп тутушни давамлаштурмақта.

хәвәрләргә қариғанда, қечип кәткәнләр фәтиһ тәшкилатиниң қораллиқ қанити болған «әл әқса шәһидлири» ниң әзаси зәкәрийа әз забидидин башқа йәнә, ислам җиһад тәшкилатиниң әзаси йақуп нуфәйат билән муһәммәд қасим әл арида, йақуп мәһмуд қадири, әйһәм фуад кәмамҗи вә мәһмуд абдулла әл арида исимлик ​​5 киши икән.

қечип кәткән пәләстинликләрниң түрмидә охшаш камирда турғанлиқи вә 10 метирлиқ тонел қазғанлиқи билдүрүлмәктә.

қечип кәткән пәләстинликләрни издәп тутуш хизмәтлириниң тик учар вә учқучисиз айропиланларниң йардимидә давам қиливатқанлиқи уқтурулмақта.

исраилийәниң «маариф гезити» , районға нурғун санда аманлиқ сақлиғучиларниң әвәтилгәнликини вә кәң көләмлик издәш һәрикитиниң елип бериливатқанлиқини хәвәр қилди.

«Walla News» тор бекити  болса, қечип кәткәнләрниң һәммисиниң муддәтсиз қамақ җазасиға һөкүм қилинған мәһбуслар икәнликини йазди.