террорлуқ тәшкилати боко һарам нигерийәдә 16 кишини өлтүрди

нигерийәдә террорлуқ тәшкилати боко һарамниң һуҗумида, 16 киши җенидин айрилди.

1700654
террорлуқ тәшкилати боко һарам нигерийәдә 16 кишини өлтүрди

түркийә авази радийоси хәвири: дөләт мәтбуатлиридики хәвәрләргә асасланғанда, террорлуқ тәшкилати әзалири борно өлкисигә қарашлиқ ран йезисиға һуҗум қилған.

һуҗумда 1 әскәр вә йардәм пидаийсини қошқанда җәмий 16 киши җенидин айрилған вә нурғун киши йариланған.

боко һарам нигерийәдә 2000-йилларниң бешидин бери мәвҗутлуқини давамлаштуруватқан болуп, 2009-йилдин буйан тәшкиллигән аммиви терорлуқ һәрикәтлиридә 20 миңдин артуқ киши җенидин айрилған иди.

терорлуқ тәшкилати боко һарам 2015 - йилдин буйан нигерийәниң қошнилиридин камерон, чад вә нигердиму террорлуқ һуҗумлири билән шуғулланмақта.

тәшкилатниң чад көли ойманлиқидики һуҗумида кәм дегәндә 2000 киши қаза қилған иди.

нигерийәдә йүз миңлиған киши террорлуқ һуҗумлири вә тоқунушлар сәвәбидин көчүшкә мәҗбур болмақта.



مۇناسىۋەتلىك خەۋەرلەر