ирақ: түркийәдин «Bayraktar TB2» вә «T129 ATAK» тик учар алимиз

ирақ дөләт мудапиә министири җүмә инад, түркийәдин тунҗи дөләтлик вә өзгичә қораллиқ учқучисиз һава аппарати «Bayraktar TB2» вә «T129 ATAK» намлиқ тик учар елишни халайдиғанлиқлирини билдүрди.

1699987
ирақ: түркийәдин «Bayraktar TB2» вә «T129 ATAK» тик учар алимиз

түркийә авази радийоси хәвири: инад, ирақта йәрлик бир телевизийә қанилида бәргән байанатида, мундақ деди: «түркийәдин <Bayraktar TB2>, 12 данә «T129 ATAK» намлиқ тик учар  вә 6 данә учқучисиз һава аппаратиға қарши мудапиә системилирини сетивелиш үчүн тәклип сундуқ һәм тохтам түзүлүшини тәләп қилдуқ, < Bayraktar > намлиқ қораллиқ учқучисиз һава аппарати елиш мәсилисидә бирдәклик һасил қилдуқ, түркийәниң < Bayraktar > намлиқ қораллиқ учқучисиз һава аппаратлири интайин илғар болуп, наһайити зор мувәппәқийәтләрни қолға кәлтүрди, булар кечилириму паалийәт елип бериш иқтидариға игә болғанлиқи үчүн, даешқа қарши күришимиздә ишимизға йарайду, дәрвәқә, ирақ армийәсидә бу технологийә йоқ.»

19 – авғуст күни истанбулда өткүзүлгән хәлқара мудапиә санаити мәһсулатлири йәрмәнкисигә иштирак қилған ирақ дөләт мудапиә министири инад, түркийә җумһурийити дөләт мудапиә министири хулуси ақар билән бир йәргә җәм болғаниди.



مۇناسىۋەتلىك خەۋەرلەر