firansiye pirézidénti makron iraqta

firansiye pirézidénti émmanuél makron «baghdad hemkarliq we shériklik konféransi» gha qatnishish iraqning paytexti baghdadqa yétip bardi.

1698796
firansiye pirézidénti makron iraqta

türkiye awazi radiyosi xewiri: méhman pirézidént makronni qarshi alghan iraq bash ministiri mustafa elqazimi, muxbirlarni kütüwélish yighinida, iraq bilen firansiyening térrorluq teshkilati daéshqa qarshi ortaq küresh qiliwatqanliqini, firansiyening bu heqtiki yardemlirini nezerdin saqit qiliwételmeydighanliqlirini éytti, hemde makronni «iraqning muhim dosti» dep atidi.

firansiye pirézidénti émmanuél makron bolsa, térrorluq teshkilati daéshning iraqliqlarning qehrimanlarche kürishi netijiside meghlub bolghanliqini, iraqning bixeterlik we muqimliqigha ehmiyet béridighanliqlirini, iraq bilen türlük sahelerde hemkarliq ornitishqa teyyar ikenliklirini eskertti.

iraq hökümitining muddettin burun saylam ötküzüsh tirishchanliqliridin intayin xursen ikenliklirini qeyt qilghan makron, öy – makanliridin ayrip qalghan iraqliqlarning yurt – makanlirigha qaytishini ishqa ashurush paaliyetlirini qollaydighanliqlirini tekitlidi.

igilinishiche, «baghdad hemkarliq we shériklik konféransi» gha, dölitimiz tashqi ishlar ministiri mewlüt chawushoghludin sirt yene, iyordaniye, iran, misir, kuweyt, qatar we ereb birleshme xelipilikidinmu rehberler ishtirak qilidiken.


خەتكۈچ: #konférans , #baghdad , #iraq , #makron

مۇناسىۋەتلىك خەۋەرلەر