aljiriye marakesh bilen diplomatik munasiwetlirini üzgenlikini élan qildi

türkiye awazi radiyosi xewiri: aljiriye tashqi ishlar ministiri ramtan lamamra: «tarix marakeshning aljiriyege qaratqan nachar we düshmenlerche pozitsiyesini ispatlidi» dégen sözlerni ishletti.

gherbiy sehrayi kebir mesilisi marakesh bilen aljiriye otturisidiki munasiwetlerde uzundin buyan jiddiychilik peyda qilip kelmekte idi.

marakesh aljiriyeni gherbiy sehrayi kebir rayonidiki bölgünchi polisario frontini qollash bilen eyiblimekte.

aljiriyeningmu qoshnishi bolghan marakeshning gherbiy sehrayi kebirdiki tashlighan qedemlirini qollimaydighanliqi melum.

marakesh shehiride yüz bergen térorluq hujumining arqisida aljiriyeliklerning barliqini ilgiri sürgen marakesh hökümiti 1994-yili 8-aydin bashlap aljiriye puqraliridin wiza telep qilishqa bashlighan idi.

marakeshning bu qedimige qarita, aljiriye 1994-yili 9-ayda ikki dölet otturisidiki chégra éghizlirini taqighan idi.