tunis pirézidénti alahide hoquqlirining mudditini uzartti

türkiye awazi radiyosi xewiri: tunis pirézidéntliq mehkimisi qays seidning sin körünüshlük bayanatini tarqatti.

bayanatta, pirézidént qays seid soda we éksport ministiri muhemmed buseidni qartaja sariyida qobul qilghandin kéyin, parlaméntning xizmetlirini toxtitishi, barliq parlamént ezalirining alahide imtyazlirini emeldin qaldurushqa oxshash hoquqlarni qoligha yighqan qararlarni muddetsiz uzartishqa munasiwetlik seweblerni élan qildi.

u: «jiddiy halet tedbirliri tunisni bosughisida saqlap turghan xeterler sewebidin uzartildi. bu weziyet hazirmu küchke ige. dölettiki mewjut idare-organlar we xizmet shekilliri döletke nisbeten éytqanda, xeter hésablinidu. parlamént döletke nisbeten ziyanliq, awaz tashlash basquchliri lobilar bilen meslihetlishish netijiside emelge ashidu» dédi.

u ismini tilgha almastin siyasiy partiyelerni monopolchilar bilen hemkarliship asasliq lazimetliklerning bahasini östürdi dep eyiblidi we mezkur guruppilargha «bedilini töleydighanliqi» heqqide tehdit saldi.

tunis xelqi 2021-yili 25-iyul mueyyen waqit perqi we oxshimighan kölemlerde dawamlishiwatqan ijtimaiy, iqtisad, siyasiy we kontrolini yoqatqan sehiye kirizisi sewebidin keng kölemlik namayishlarni ötküzgen idi.

tunis pirézidénti qays seid dölet xeter ichide qalghan waqitta, özige alahide hoquqlarni béridighan asasiy qanunning 80-maddisini ijra qilidighanliqini élan qilghan idi.

u parlaméntning 30 kün taqilidighanliqini, barliq parlamént ezalirining alahide imtiyazlirining emeldin qaldurulghanliqini, bash ministirning hoquqidin élip tashlanghanliqini we yéngi bash ministirni özining wezipige teyinleydighanliqini, chiriklik déloliri üchün özining bash teptish bolghanliqinimu uqturghan idi.

u parlaméntning bir ayliq taqilishi axirlashqandin kéyin, parlaméntning xizmetlirini toxtitishni öz ichige alghan alahide hoquqlarni qoligha yighqan qararlarning «muddetsiz» uzartilghanliqini bildürgen idi.