германийә һәр йили 400 миң көчмәнгә еһтийаҗлиқ
германийә федератсийә ишқа орунлаштуруш идарисиниң башлиқи детлеф шеле (Detlef Scheele) германийәниң һәр йили 400 миң көчмәнгә моһтаҗ икәнликини ейтти.
түркийә авази радийоси хәвири: германийә федератсийә ишқа орунлаштуруш идарисиниң башлиқи детлеф шеле «зүддайчә зәйтуң гезити» ниң зийаритини қобул қилғанда, германийә хизмәт базарлирида лайақәтлик хадимларға болған еһтийаҗниң күндин-күнгә һес қилиниватқанлиқини билдүрди.
у: «биз йилиға 400 миң көчмәнгә моһтаҗ. алдинқи йилларға селиштурғанда, бу сан техиму көп. йашанғанлар йаки бимарларға қараш саһәлиридә лайақәтлик кишиләргә, һава тәңшигүч техник хадимлириға вә академикларға моһтаҗ» деди.
у көчмән әмгәк күчлири билән мусапирлар мәсилисини арилаштурвәтмәслик керәкликини әскәртип: «бу инсанпәрвәрлик мәсилиси һесаблиниду. әгәр афғанистандин кәлгән мусапирлар болса, германийә уларни қобул қилиш үчүн өз мәсулийитини ада қилиши керәк. әмма, мән үчүн әмгәк күчи базиридики кәмтүклүкләрни толуқлаш наһайити муһим» деди.
