русийәдә қолға елинған мусулманлар қойуп берилди

русийәниң пайтәхти москва әтрапидики бир җамәдә қолға елинған мусулманлар қойуп берилди.

1694925
русийәдә қолға елинған мусулманлар қойуп берилди

түркийә авази радийоси хәвири: адвукат марийа красова, русийәниң «‹тасс› агентлиқи» ға бәргән байанатида, москва райониға җайлашқан «котелники җамәси» дә җамаәтниң сақчилар тәрипидин қолға елинғанлиқини вә паспорт тәкшүрүлгәнликини тәкитләп мундақ деди: «русийә пуқралири паспорт тәкшүрүшидин кейин қойуп берилди, чәт әлликләр болса сақчиханиға елип берилди, кейинчә қолға елинғанларниң һәммиси қойуп берилди, мусулманларниң қолға елиниши, сақчиханиға елип берилиши вә в җинайәт садир қилинғанлиқи тоғрисида һечқандақ доклат тәййарланмиди, бир сақчиниң сөзигә қариғанда, мусулманларниң қолға елиниши, тәкшүрүш паалийәтлириниң бир қисми болуп, бу даиридә қолға елинғанлардин DNA әвришкиси елинған.»

москва райониға җайлашқан «котелники җамәси» дә тәхминән 600 мусулманниң сақчилар тәрипидин қолға елинғанлиқи билдүрүлгәниди.

русийә ички ишлар министирлиқи москва районлуқ мәмурий мәһкимиси ахбарат васитилири башқармиси, қолға елинғанларға мунасивәтлик мәлуматларни тәкшүрүватқанлиқлирини уқтурғаниди.



مۇناسىۋەتلىك خەۋەرلەر