giruziye türkiyege minnetdarliq bildürdi
giruziye talibanning afghanistanda hakimiyetni qolgha kirgüzüshidin kéyin paytext kabulda qalghan giruziye puqralirining tarqaqlashturulushigha yardem bergenliki üchün türkiye we bashqa xelqaraliq hemrah döletlerge minnetdarliq bildürdi.
türkiye awazi radiyosi xewiri: giruziye tashqi ishlar ministiri dawid zalkaliani, bu heqte élan qilghan yazma bayanatida, giruziye puqralirining, türkiyenimu öz ichige alghan hemrah döletlerning yardimi astida tarqaqlashturulghanliqini tekitlep mundaq dédi: «bu künlerde giruziye puqralirining afghanistandin tarqaqlashurulushida aktip rol oynighan xelqaraliq hemrahlirimizgha rehmet éytimen, bashtin tartipla xelqaraliq hemrahlirimiz bilen izchil türde alaqe ornitip kéliwatimiz, bolupmu amérikaliq, engliyelik, türkiyelik we wéngiriyelik kespdashlirimni bu yerde alahide tilgha élip ötimen, puqralirimizni afghanistandin bixeter halda tarqaqlashturush ene shularning yardimi we qollishi astida ishqa ashti.»
yekshenbe küni, paytext kabulni qorshaw astigha alghan taliban, pirézidént eshref ghénining döletni terk étishi we hökümet küchlirining paytexttin ayrilishidin kéyin, sheherni toqunushsiz halda kontrol astigha alghanidi.
