makron baydin bilen téléfonlashti
firansiye pirézidénti émmanuél makron amérika qoshma ishtatliri pirézidénti jo baydin bilen téléfonda körüshti.
türkiye awazi radiyosi xewiri: élisé sariyining bildürüshiche, firansiye pirézidénti émmanuél makron amérika qoshma ishtatliri pirézidénti jo baydin bilen téléfonda körüshken. ikki rehberning téléfon söhbitide, talibanning afghanistanda hakimiyetni kontrol astigha élishidin kéyinki weziyet heqqide muzakire élip bérilghan.
makron, firansiye puqraliri, amérika qoshma ishtatliri we ittipaqdashliri üchün xizmet qilghan afghan er – ayallar hem tehdit astidikilerning afghanistandin tarqaqlashturulushi üchün «ittipaqdashlar ara téz , ünümlük we mas qedemde heriket qilinishining zörürlüki» ni tekitlip mundaq dégen: «qimmet ölchemlirimizni ortaqlashqan we qoghdinishqa éhtiyajliq bolghan afghanlargha dair ortaq mesuliyetchanlirimizdin waz kéchelmeymiz hemde ularni terk ételmeymiz.»
bayanatta tekitlinishiche, ikki rehber, bolupmu 7 – g guruhi dairiside insaniy, siyasiy we térrorizmgha qarshi küresh mesililiride hemkarliqni yenimu kücheytish toghruluq birdeklik hasil qilghan.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.