ياپونىيە كابۇلدىكى دىپلوماتلىرىنى تارقاقلاشتۇردى

تۈركىيە ئاۋازى رادىيوسى خەۋىرى: ياپونىيە تاشقى ئىشلار مىنىستىرلىقى كابۇلدىكى ئەلچىخانىسىدا ئىشلەيدىغان 12 دىپلوماتنىڭ «بىر دوست دۆلەتنىڭ ھەربىي ئايروپىلانى» بىلەن دۇبەيگە بىخەتەر يېتىپ كەلگەنلىكىنى ئۇقتۇردى.

باياناتتا، ياپونىيەنىڭ كابۇلدىكى باش ئەلچىخانىسىنىڭ پائالىيەتلىرىنى ئىستانبۇلدا تەسىس قىلىنىدىغان ۋاقىتلىق ئىشخانىسىدا داۋاملاشتۇرىدىغانلىقى ئەسكەرتىلدى.

كيودو ئاگېنتلىقى، ياپونىيەنىڭ 2001-يىلىدىن بۇيان ئافغانىستاننى قايتا قۇرۇش خىزمەتلىرى ئۈچۈن 6 مىليارد 800 مىليون دوللار سەرپ قىلغانلىقىنى بىلدۈردى.

2021-يىلى 15-ئاۋغۇست يەكشەنبە كۈنى پايتەخت كابۇلنى قورشىۋالغان تالىبانلار، پىرېزىدېنت ئەشرەف غەنىنىڭ قېچىشى ۋە ھۆكۈمەت ئارمىيەسىنىڭ پايتەختتىن چىقىپ كېتىشىدىن كېيىن، شەھەرنى توقۇنۇشسىزلا تولۇق قولغا كىرگۈزگەنىدى.