иран афғанистанлиқ мусапирларниң чеградин киришини тосидиғанлиқини билдүрди

түркийә авази радийоси хәвири: иран ички ишлар министирлиқи қармиқидики чегра ишлири баш идариси директори һүсәйин қасими, иран әдлийә оргиниға қарашлиқ мизан ахбарат агентлиқиға байанат берип, талибанниң қолиға өткән афғанистандики өзгиришләрни көздә тутуп вә ковед-19 йуқуминиң тарқилишиниң алдини елиш үчүн, афғанистан чеграсини күчлүк контрол қилидиғанлиқини билдүрди.

қасими, бу арқа көрүнүштә җәнубий хорасан, систан-балучистан вә рәзәви хорасан қатарлиқ өлкиләрдә турушлуқ бихәтәрлик қисимлириға «иранға кирмәкчи болған афғанистанлиқларниң алдини елиш» тоғрисида буйруқ чүшүрүлгәнликини ейтти.

афғанистанға чеградаш болған иранда 800 миңи тизимға елинған болуп җәмий 3 милйон әтрапида афғанистан пуқраси йашайду.

талибанларниң дөләтниң тизгинини қолиға елишидин кейин, нурғун афғанистанлиқлар дөлитидин қечишқа башлиди.

2021-йили 15-авғуст йәкшәнбә күни пайтәхт кабулни қоршивалған талибанлар, пирезидент әшрәф ғәниниң қечиши вә һөкүмәт армийәсиниң пайтәхттин чиқип кетишидин кейин, шәһәрни тоқунушсизла толуқ қолға киргүзгәниди.