b d t bash katipi qatar tashqi ishlar ministiri bilen téléfonlashti
birleshken döletler teshkilati bash katipi antonyo gutérésh qatar tashqi ishlar ministiri muhemmed bin abdrurrahman alsani bilen afghanistan heyetliri bilen taliban otturisida dohada dawamlishiwatqan muzakiriler heqqide téléfonda körüshti.
türkiye awazi radiyosi xewiri: birleshken döletler teshkilati bash katibat bashqarmisi teripidin élan qilinghan bayanatta bildürülüshiche, gutérésh, qatar tashqi ishlar ministiri muhemmed bin abdrurrahman alsani bilen élip barghan téléfon söhbitide, qatarning taliban bilen afghanistan heyetliri otturisidiki diyalog ornitish tirishchanliqlirigha rehmet éytqan, hemde bu tirishchanliqlarning keng dairilik we ötkünchi basquchning tinchliq asasida tamamlinishigha wesile bolushigha tilekdashliq bildürgen.
2021 – yili, 15 – awghust yekshenbe küni, paytext kabulni qorshaw astigha alghan taliban, pirézidént eshref ghénining döletni terk étishi we hökümet küchlirining paytexttin ayrilishidin kéyin, sheherni toqunushsiz halda kontrol astigha alghanidi.
