afghanistanda 15 wilayetning merkizi talibanning qoligha ötüp ketti
afghanistanning jenubi we gherbidiki badgis, gur we hélmand wilayetlirining merkizi talibanning qoligha ötüp ketti.

türkiye awazi radiyosi xewiri: badgis wilayetlik siyasiy kéngeshning reisi abduleziz bék, talibanning badgis wilayitining merkizi bolghan qelei-naw shehirige qaratqan hujumlirini tünügün etigen tereplerde köpeygenlikini eskertish bilen bir waqitta, hujumlar netijiside bügün etigen tereplerde sheher merkizining talibanning qoligha ötüp ketkenlikini, dölet xewpsizlik küchlirining sheher etrapidiki herbiy lagérlarda panahlanghanliqini, peqet bir herbiy lagérning sirtida pütkül badgis wilayitining talibanning qoligha ötüp ketkenlikini qeyt qildi.
yene bir tereptin, gur wilayetlik parlamént ezasi fatime kohistani, taliban ezalirining gur wilayitining merkizi firoz koh shehirige bésip kirish hujumlirini tünügün kech tereplerde köpeytkenlikini, sheher merkizining bügün etigen tereplerde talibanning qoligha ötüp ketkenlikini, dölet xewpsizlik küchlirining toqunushmastin sheher merkizidin chékingenlikini uqturdi.
afghanistanning istiratégiyelik ehmiyetke ige eng chong shehiri jenubtiki hélmand wilayitining merkizi leshkergah shehiri talibanning qoligha ötüp ketti.
hélmand parlamént ezasi mirwéyis xadim, talibanning leshkergah shehirini qolgha kirgüzüsh üchün buningdin texminen 20 kün burun hujumlirini bashlatqanliqini tekitlep mundaq dédi: «dölet xewpsizlik küchliri, tünügün yérim kéchide sheher merkizidin chékinishke mejbur boldi, shu tapta leshkergah shehiri talibanning qoligha ötüp ketti, dölet xewpsizlik küchliri bolsa shurabék ayrodurumida panahlandi.»
yene bir tereptin, tünügün yérim kéchide, afghanistanning jenubigha jaylashqan we döletning eng chong ikkinchi shehiri hésablinidighan qendihar wilayitining merkizi talibanning qoligha ötüp ketti.
afghanistanning jenubiy wilayetlirini kabulgha tutashturidighan ötüsh éghizigha jaylashqan tarixiy sheher ghezne bilen döletning gherbidiki hérat wilayitining merkizi, tünügün talibanning qoligha ötüp ketti.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.