нигерийәдә террорлуқ тәшкилати боко һарамниң нурғун әзаси бир тәрәп қилинди

нигерийәдә террорлуқ тәшкилати боко һарамға зәрбә бериш һәрикити давамида тәшкилатниң 27 әзаси бир тәрәп қилинди.

1690731
нигерийәдә террорлуқ тәшкилати боко һарамниң нурғун әзаси бир тәрәп қилинди

түркийә авази радийоси хәвири: нигерийә дөләт мудапиә министирлиқиниң муавин байанатчиси бернард онйеко, бу һәқтә елан қилған байанатида, армийәниң борно өлкисидә елип барған һәрбий һәрикити давамида, террорлуқ тәшкилати боко һарамниң 27 әзасиниң өлтүрүлгәнликини, көп сандики әзалириниң йаридар һаләттә қачқанлиқини, боко һарам гөрүгә еливалған 29 кишиниң қутқузувелинғанлиқини, 51 террорчиниң қолға чүшүрүлгәнликини билдүрди.

йәнә бир тәрәптин, нигерийәниң кадуна өлкисидә қораллиқ унсурлар гөрүгә еливалған 11 балиниң, қораллиқларниң лагерлиридин қечип қутулғанлиқи уқтурулди.

кадуна өлкилик ички бихәтәрлик вә ички ишлар комиссари самуел аруван, өлкидә елип бериливатқан һәрбий һәрикәтләр сәвәбидин, қораллиқ унсурларниң башқа җайларға кетишкә мәҗбур болғанлиқини қәйт қилди, һәмдә қураллиқ унсурлар гөрүгә еливалған 7 – 10 йашлар чамисидики 11 балиниң, қораллиқларниң лагерларни башқа җайларға көчүрүши җәрйанида қечип қутулғанлиқини,  балиларниң саламәтлик әһвалиниң йахши икәнликини вә аилилиригә тапшуруп берилгәнликини байан қилди.



مۇناسىۋەتلىك خەۋەرلەر