nasa marsqa teyyarliq xizmitide orun élishni xalaydighan 4 pidaiy lazimliqini élan qildi
amérika döletlik awiatsiye we alem qatnishi idarisi (nasa) marsqa teyyarliq xizmitide orun élishni xalaydighan pidaiylarni izdimekte.
türkiye awazi radiyosi xewiri: bu heqte chiqirilghan élan arqiliq marsqa oxshash muhitta bir yil yashashni xalaydighan töt pidaiygha éhtiyaj barliqi bildürüldi.
30 yashtin 55 yashqiche bolghan amérika puqralirining iltimas qilalaydighanliqi, ilim-pen, inzhénérliq yaki matématika saheside magéstérliq qilghan we yaki uchquchiliq tejribisi bolghan kishilerning tallinidighanliqi uqturuldi.
pidaiylarning jismaniy saghlamliqi yaxshi bolushi, ozuqluq mesilisi bolmasliqi, tamaka chekküchilerning namzat bolalmaydighanliqi tekitlendi.
tallanghan 4 kishi téksas ishtatida «mars dun elfa» dep nam bérilgen 1700 kwadrat métirliq jayda 1 yil yashaydu.
qizil planétida qurulmaqchi bolghan modulning janlandurulghan bu tejribe rayonining üch ölchemlik téxnika bilen teyyarlanghanliqi bildürüldi.
pidaiylarning tejribe rayonida köngen rahetni tapalmaydighanliqi, özi yaxshi köridighan yémeklik we ichimliklerge érishelmeydighanliqi, ailisi we dostliri bilen bolghan alaqiningmu intayin cheklik bolidighanliqi, pidaiylarning bu tirishchanliqliri bedilige pul alidighanliqi uqturuldi.
marsqa oxshap kétidighan bu jayda töt kishiliktin ayrim aydim üch guruppning wezipige teyinlinidighanliqi, birinchi guruppining kéler yili küzde wezipisini bashlishi pilanliniwatqanliqi tekitlendi.
hustondiki alem qatnishi merkizide élip bérilidighan tejribiler arqiliq marsta xizmet qilidighan etret duch kélish hétimali bolghan jismaniy we rohiy mesililer tetqiq qilidiken.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.