20 – g guruhi tetqiqat ministirliri yighini italiyede chaqirildi
20 – g guruhi tetqiqat ministirliri yighini, 20 – g guruhining nöwetchi reisi italiyening sahibxaniliqida trésté shehiride chaqirildi.
türkiye awazi radiyosi xewiri: yighingha, türkiyege wakaliten, sanaet we téxnologiye ishliri ministiri mustafa warank bilen türkiye ilmiy we téxnologiyelik tetqiqat ornining mesuli piroféssor doktor hesen mandal qatnashti.
ministir warank, yighinda qilghan sözide, «kowid – 19» yuqumidin kéyinki dewrde, kündilik hayatning maharetni asas qilidighan shekilde normallashturulushi lazimliqini tekitlep mundaq dédi: «shu wejidin, kéyinki ewladlarni kélechekke teyyarlash we mewjut emgek küchini özgertish jehette adem küchi kapitalining tereqqiyatini aldinqi orungha qoyuwatimiz.»
türkiyede teshkillik sanaet rayonida kespiy we téxnika maaripi bilen terbiyelesh mekteplirini achqanliqlirini we bu mekteplerni püttürgenlerning asasy jehettin ishqa orunlashturulidighanliqini bayan qilghan warank, hökümet-xususiy tarmaqlarning hemkarliqida chaqirilidighan dunya iqtisad munbiri yighinining, maharet perqini azaytish süritini tézlitish pirogrammisigha daxil bolghanliqlirini qeyt qildi.
digitallishishning, sanliq melumatlarni téz sürette ortaqlishish we ilim-pen qatarliq ilmiy uchur – alaqide yéngi qollinishchan pirogrammilargha zémin hazirlap bérilgenlikini éytqan warank, sijil we yéshil tereqqiyat üchün digitallashturushni yolgha qoyushning dunyaning kélechiki üchün intayin muhim ikenlikini tekitlep mundaq dédi: «kündilik hayatni téximu sijil, uzaq mezgillik, keng dairilik we yéshil bir shekilde eslige keltürüsh üchün, digitallashurush paaliyetlirige ehmiyet bériwatimiz, bu dairide, hemkarlishishqimu teyyarmiz.»
20 – g guruhi tetqiqat ministirliri, yighindin kéyin, trésté shehiridiki sinkrotroné xelqara tetqiqat merkizini ziyaret qildi.
