isirailiye liwanning bezi jaylirini bombardiman qildi

türkiye awazi radiyosi xewiri: isirailiye armiyesining twittérda bayanat élan qilip, isirailiye urush ayropilanlirining tünügün (2021-yili 4-awghust) liwandin isirailiyege rakétamiyot étilghan jaylar bilen térrorluq meqsitide paydiliniliwatqan tonéllarning bombardiman qilinghanliqini uqturdi.

u bayanatta, isirailiyening hawa bombardimanining dawamlishidighanliqini we isirailiyege qilinghan térrorluq hujumlirigha qarshi bombardimanning téximu küchiyishi mumkinlikini bildürdi.

liwan yerlik taratquliridiki xewerlerde, isirailiye urush ayropilanlirining jenubtiki éddimashqiyye rayonini ikki qétim hawadin bombardiman qilghanliqi qeyt qilindi.

isirailiye armiyesi tünügün liwandin üch rakétamiyot étilghanliqini, bulardin ikkisining isirailiye zéminigha, birining liwan zéminigha chüshkenlikini élan qilghan idi. buninggha jawaben, isirailiye armiyesining liwan terepke zembirek atqanliqi bildürülgen idi.