исираилийә ливанниң бәзи җайлирини бомбардиман қилди

исираилийә армийәси ливанниң җәнубидики бәзи җайларни һавадин бомбардиман қилди.

1685863
исираилийә ливанниң бәзи җайлирини бомбардиман қилди

түркийә авази радийоси хәвири: исираилийә армийәсиниң твиттерда байанат елан қилип, исираилийә уруш айропиланлириниң түнүгүн (2021-йили 4-авғуст) ливандин исираилийәгә ракетамийот етилған җайлар билән террорлуқ мәқситидә пайдилиниливатқан тонелларниң бомбардиман қилинғанлиқини уқтурди.

у байанатта, исираилийәниң һава бомбардиманиниң давамлишидиғанлиқини вә исираилийәгә қилинған террорлуқ һуҗумлириға қарши бомбардиманниң техиму күчийиши мумкинликини билдүрди.

ливан йәрлик таратқулиридики хәвәрләрдә, исираилийә уруш айропиланлириниң җәнубтики еддимашқиййә районини икки қетим һавадин бомбардиман қилғанлиқи қәйт қилинди.

исираилийә армийәси түнүгүн ливандин үч ракетамийот етилғанлиқини, булардин иккисиниң исираилийә земиниға, бириниң ливан земиниға чүшкәнликини елан қилған иди. буниңға җавабән, исираилийә армийәсиниң ливан тәрәпкә зәмбирәк атқанлиқи билдүрүлгән иди.



مۇناسىۋەتلىك خەۋەرلەر