amérika: musapirlarning diqqitini türkiyeni öz ichige alghan her qandaq bir döletke burimiduq
amérika qoshma ishtatliri «afghan musapirlirining diqqitini türkiyeni öz ichige alghan her qandaq bir döletke burimighanliqi»ni uqturdi.
türkiye awazi radiyosi xewiri: amérika tashqi ishlar ministirliqi bayanatchisi néd prayis kündilik muxbirlarni kütüwélish yighinida, türkiyening, amérikaning «afghan musapirliri pirogrammisining dairisini kéngeytish we üchinchi dölet» toghrisidiki bayanatigha bildürgen naraziliqigha alaqidar bir soalgha jawab bérip: «qoghdinish yollirini izdewatqanlarni mueyyen bixeter rayonlargha yéteklesh yaki u jaylargha bérishqa righbetlendürüshning amérika hökümitining siyasiti emeslikini eskertip ötüshni xalaymen. biz héchkimning diqqitini türkiyeni öz ichige alghan melum bir döletke burimiduq. afghanistanliqlarning türkiyege bérish éhtimalliqi toghrisidiki bayanatlar keltürüp chiqarghan endishidin epsuslanmaqtimiz» dédi.
néd prayis yene süriye, iraq, afghanistan, iran we bashqa döletlerdin kelgen 4 milyondin artuq musapirni kütüwalghan türkiyedin minnetdar ikenliklirinimu tekitlep ötti.