тутқундики оқуғучиларниң қойуп берилиши үчүн 2 милйон 400 миң доллар фидийә төләнди

нигерийәдә қораллиқ унсурлар тәрипидин тутқун қилинған оқуғучиларниң қойуп берилиши үчүн 7 ай ичидә 2 милйон 400 миң доллар фидийә төләнди.

1685294
тутқундики оқуғучиларниң қойуп берилиши үчүн 2 милйон 400 миң доллар фидийә төләнди

түркийә авази радийоси хәвири: «панч» гезитиниң хәвиригә қариғанда, нигерийә дөләт бихәтәрликигә мунасивәтлик бир доклатта, дөләтниң қийин бихәтәрлик мәсилисигә дуч кәлгәнлики оттуриға қойулған.

хәвәрдә көрситилишичә, өткән йили нойабирдин бу йилниң май ейиғичә дөләтниң ғәрбий шималида қораллиқ унсурлар тәрипидин елип берилған бәш қетимлиқ һуҗумда тутқун қилинған оқуғучиларниң қойуп берилиши үчүн 2 милйон 400 миң доллар фидийә төләнгән.

нигерийә һөкүмити қойуп берилгән оқуғучилар үчүн һечқандақ фидийә төлимигәнликини елан қилғаниди.

нигерийә һөкүмити, дөләтниң бир қисим өлкилиридә қораллиқ кишиләрниң мотсиклитлиқ һуҗумлириниң көпийип кетишидин кейин мотсиклит ишлитишни чәклигәниди.

дөләтниң бену, платеу, катсина вә замфара қатарлиқ өлкилиридә оқуғучилар бир қанчә қетим мәктәпләрдин тутқун қилинип елип кетилгәниди.

мәктәпләргә қаритилған һуҗумлар сәвәбидин нигерийәниң бәзи өлкилиридә оқу – оқутуш хизмәтлири тохтитип қойулғаниди.



مۇناسىۋەتلىك خەۋەرلەر