kabulda dölet mudapie ministirining öyining aldida yüz bergen hujumda 8 kishi qaza qildi

afghanistan dölet mudapie ministiri bismillah muhemmedining kabulning shir pur rayonigha jaylashqan öyining aldida tünügün kech tereplerde yüz bergen bomba we qoralliq hujumda 8 kishi hayatidin ayrildi.

1685369
kabulda dölet mudapie ministirining öyining aldida yüz bergen hujumda 8 kishi qaza qildi

türkiye awazi radiyosi xewiri: afghanistan ichki ishlar ministirliqi bayanatchisi mirwéyis stanikzéy, bu heqte élan qilghan bayanatida, zorawanlardin birining bomba qachilanghan aptomobilni afghanistan dölet mudapie ministiri bismillah muhemmedining öyining aldid apartlatqanliqini, partlashtin kéyin bashqa 4 zorawanning öyge basturup kriip, qalaymiqan oq chiqirishqa bashlighanliqini éytti.

zorawanlarning yérim kéchide bir terep qilinghanliqini bildürgen stanikzéy, hujumda  8 kishining jénidin ayrilghanliqini, 20 kishining yarilanghanliqini, rayondiki öylerde yashawatqan onlarche puqraning bixeter jaygha tarqaqlashturughanliqini eskertish bilen bir waqitta, hujumda dölet mudapie ministiri bismillah muhemmedining we ailisining ziyangha uchrimighanliqini  tekitlidi.

shahitlar bolsa, hujumda qaza qilghanlar sanining 10 din artuq ikenlikini ilgiri sürdi.

hujumning jawabkarliqini téxiche héchkim öz üstige almidi.

alaqidar tarmaqlar, hujum esnasida dölet mudapie ministiri bismillah muhemmedining öyide bashqa wilayetlerdin kelgen yuqiri derijilik emeldarlarningmu barliqini bildürdi.

igilinishiche, kabulning eng heshemetlik rayonliridin biri bolghan shir pur rayonida nurghun ministir we parlamént ezalirining öyi bar bolup, bombining shiddetlik partlishi netijiside, dölet mudapie ministiri bismillah muhemmedining öyining etrapidiki köp sandiki öy we ish ornimu ziyangha uchrighan. bomba hujumidin kéyin, kabulda köp sanda puqra térrorluq hujumigha qarshi naraziliq namayishi ötküzgen.



مۇناسىۋەتلىك خەۋەرلەر