afghanistan pirézidénti xelqni ittipaqlishishqa chaqirdi

türkiye awazi radiyosi xewiri: afghanistan pirézidénti eshref ghéni parlaméntta söz qilip, talibanning tinchliq we muzakire iradisining yoqluqini, afghanistan hökümitining tinchliq üchün nurghun pidakarliqlarni körsetkenlikini we buning üchün zor qedemlerni tashlighanliqini qeyt qildi.

u hökümetning tinchliqqa aldin ehmiyet béridighanliqini, taliban we uning gumashtilirining niyitide fitne barliqini tekitlidi.

u buningdin burun körülüp baqmighan hujumlargha duch kéliwatqanliqlirini bildürüp, bu hujumlargha qarshi küresh qilish we urush weziyitini özgertish üchün birlikte tirishchanliq körsitish kéreklikini eskertti.

u: «hazir bir-birimizni eyiblesh waqti emes, belki burunqidin téximu ching ittipaqlishish we barawerlik künidur. her qandaq selbiy küchke boyun egmeymiz. taliban ya heqiqiy muzakire üstilige olturidu yaki urush meydanida tizliri sunidu. biz tallaydighanni talliduq, emdi taliban tallisun» dédi.

afghanistanda tinchliq musapisi éniqsiz halda turuwatqan bolup, hökümet küchliri bilen taliban otturisidiki shiddetlik toqunushlar dawamlashmaqta.

yerlik menbelerdin élinghan melumatlarda qeyt qilinishiche, taliban 407 nahiyening 150 din köpini pütünley qolgha kirgüzüwalghan. afghanistanda 34 wilayet merkizi hökümet qisimlirining kontrolida.