афғанистан пирезиденти хәлқни иттипақлишишқа чақирди

афғанистан пирезиденти әшрәф ғени һазир бурунқидин техиму чиң иттипақлиқ вә баравәрликкә еһтийаҗлиқ икәнликлирини ейтти.

1684208
афғанистан пирезиденти хәлқни иттипақлишишқа чақирди

түркийә авази радийоси хәвири: афғанистан пирезиденти әшрәф ғени парламентта сөз қилип, талибанниң тинчлиқ вә музакирә ирадисиниң йоқлуқини, афғанистан һөкүмитиниң тинчлиқ үчүн нурғун пидакарлиқларни көрсәткәнликини вә буниң үчүн зор қәдәмләрни ташлиғанлиқини қәйт қилди.

у һөкүмәтниң тинчлиққа алдин әһмийәт беридиғанлиқини, талибан вә униң гумаштилириниң нийитидә фитнә барлиқини тәкитлиди.

у буниңдин бурун көрүлүп бақмиған һуҗумларға дуч келиватқанлиқлирини билдүрүп, бу һуҗумларға қарши күрәш қилиш вә уруш вәзийитини өзгәртиш үчүн бирликтә тиришчанлиқ көрситиш керәкликини әскәртти.

у: «һазир бир-биримизни әйибләш вақти әмәс, бәлки бурунқидин техиму чиң иттипақлишиш вә баравәрлик күнидур. һәр қандақ сәлбий күчкә бойун әгмәймиз. талибан йа һәқиқий музакирә үстилигә олтуриду йаки уруш мәйданида тизлири суниду. биз таллайдиғанни таллидуқ, әмди талибан таллисун» деди.

афғанистанда тинчлиқ мусаписи ениқсиз һалда туруватқан болуп, һөкүмәт күчлири билән талибан оттурисидики шиддәтлик тоқунушлар давамлашмақта.

йәрлик мәнбәләрдин елинған мәлуматларда қәйт қилинишичә, талибан 407 наһийәниң 150 дин көпини пүтүнләй қолға киргүзүвалған. афғанистанда 34 вилайәт мәркизи һөкүмәт қисимлириниң контролида.



مۇناسىۋەتلىك خەۋەرلەر