خىنەندە كەلكۈن سەۋەبىدىن ئۆلگەنلەرنىڭ سانى ئاشماقتا ئىكەن

تۈركىيە ئاۋازى رادىيوسى خەۋىرى: شىنخۇا ئاگېنتلىقىنىڭ خەۋىرىدە بىلدۈرۈلىشىچە، خىنەن ئۆلكىسىنىڭ مەسئۇللىرى بۇ ھەقتە بايانات ئېلان قىلىپ، كەلكۈن سەۋەبىدىن جىڭجۇ شەھىرىدە 292 كىشىنىڭ ئۆلگەنلىكىنى ئۇقتۇرغان.

پۈتكۈل خىنەن تەۋەسىدە كەلكۈن سەۋەبىدىن ئۆلگەنلەر سانىنىڭ 302 گە چىققانلىقى، ئىز-دېرەكسىز غايىپ بولغانلار سانىنىڭ 50 كە چىققانلىقى بىلدۈرۈلدى.

خىنەندە 17-ئىيۇل (2021) دىن باشلاپ قەرەللىك ھالدا ياغقان يامغۇر، 20-ئىيۇلدا كەلكۈن پەيدا قىلغان ئىدى. كەلكۈندە جىڭجۇ شەھىرىدىكى مېترو يولىنى سۇ بېسىپ كېتىپ 14 كىشى ئۆلگەن ئىدى.