бейҗиңда вухән вируси тәдбирлири қайта йолға қойулди

хитай пайтәити бейҗиңда қатнашқа вухән вируси (Kovid-19) тәдбирлири рамкисида бәзи чәклимиләр йолға қойулди.

1684258
бейҗиңда вухән вируси тәдбирлири қайта йолға қойулди

түркийә авази радийоси хәвири: җәнубий хитай сәһәр почтиси гезитиниң хәвиридә қәйт қилинишичә, вухән вируси делта варийантиниң бейҗиңда тарқилишиниң алдини елиш мәқситидә, шәһәргә болған айропилан сәпәрлири, пойиз вә аптобус қатнашлири тохтитилған.

хитайниң җйаңсу өлкисидики нәнҗиң шәһиридә вухән вирусиниң әң тарқилишчан болған делта варийантиниң байқалғанлиқи елан қилинғандин кейин, 27 шәһәрдә 350 дин көп кишиниң делта варийанти билән йуқумланғанлиқи ениқланди.

бейҗиңда һазирғичә вухән вирусиға мунасивәтлик төт вәқә байқалди.

бейҗиң мәсуллири әтраптики районлардин шәһәргә вирусниң тарқилишини тосуш мәқситидә, хәтәрлик районлардин кәлгән кишиләргә қаритилған тәдбирләрни күчәйтишни қарар қилди.

йолға қойулған тәдбирләр рамкисида, вухән вируси делта варийанти байқалған шәһәрләрдики һәммә кишиниң пайтәхт бейҗиңға бериши чәкләнди. бу шәһәрләрдин бейҗиңға қилинидиған айропилан сәпәрлири, пойиз вә аптобус қатниши тохтитилди.

беләт закас қилиш тор бәтлиридә, делта варийанти көрүлгән нәнҗиң шәһири вә җаңҗйа җей районлириға пойиз беләтлириниң йоқлуқи көрүлди.

дөләт идарә-органлири вә дөләт ширкәтлири хизмәтчилириниң вирус байқалған шәһәрләргә сайаһәткә бериши йаки идарә-органларниң бу шәһәрләргә сайаһәт тәшкиллиши чәкләнди.

вирус байқалған шәһәрләргә барған бейҗиңлиқниң 14 күнлүк карантиндин кейин саламәтлик тәкшүрүш нәтиҗиси мәнпи болмастин шәһәргә кириши чәкләнди.



مۇناسىۋەتلىك خەۋەرلەر