بوكو ھارام گۆرۈگە ئېلىۋالغان كىشىلەر قۇتقۇزۇۋېلىندى

تۈركىيە ئاۋازى رادىيوسى خەۋىرى: نىگېرىيە دۆلەت مۇداپىئە مىنىستىرلىقىنىڭ باياناتچىسىنىڭ ۋەكىلى بېرنارد ئونيۇكو نىگېرىيە ئارمىيەسىنىڭ بورنو ئىشتاتىغا قاراشلىق باما ۋە دامبوا رايونلىرىدا بوكو ھارامغا قارشى ھەربىي ھەرىكەت ئېلىپ بارغانلىقىنى بىلدۈردى.

ئۇ ھەربىي ھەرىكەتتە، 10 ئايال ۋە 22 بالىنىڭ قۇتقۇزۇۋېلىنغانلىقىنى قەيت قىلدى.

ئۇ يەنە، ھەربىي ھەرىكەتتە 28 تېررورىستنىڭ تۇتۇلغانلىقىنى، ئوق-دورا ئىسكىلاتلىرىنىڭ پاچاقلاپ تاشلانغانلىقىنى، تېررورىستلارنىڭ ئاپتوموبىل، موتوسىكلىت ۋە نۇرغۇن قورال-ياراغلىرىنىڭ قولغا چۈشۈرۈلگەنلىكىنى ئەسكەرتتى.

ئەمما ئۇ، قۇتقۇزۇۋېلىنغان كىشىلەرنىڭ قاچان گۆرۈگە ئېلىنغانلىقى توغرىسىدا مەلۇمات بەرمىدى.