һиндистан – хитай даирилири чегра районлиридики зиддийәтни пәсәйтиш үчүн сөһбәт өткүзди

һиндистан билән хитайниң йуқири дәриҗилик һәрбий даирилири икки дөләт оттурисидики ихтилаплиқ чегра районлиридики зиддийәтни пәсәйтиш үчүн бир йәргә җәм болуп, сөһбәт өткүзди.

1683535
һиндистан – хитай даирилири чегра районлиридики зиддийәтни пәсәйтиш үчүн сөһбәт өткүзди

түркийә авази радийоси хәвири: һиндистан дөләт мудапиә министири субраһманйам җайшанкар, бу һәқтә елан қилған байанатида, ихтилапиқ чегра районлиридики зиддийәтниң икки дөләт оттурисидики мунасивәтләргә сәлбий тәсир көрситиватқанлиқини әскәртти, һәмдә хитай тәрәпниң өз алдиға ташлиған қәдимини қобул қилғили болмайдиғанлиқини билдүрүп агаһландурди.

хитай ташқи ишлар министирлиқи болса, тәрәпләр оттурисидики соғуқчилиқниң һәр икки тәрәпкиму пайда йәткүзәлмигәнликини, хитайниң бу мәсилини дийалог арқилиқ һәл қилишни халайдиғанлиқини билдүрди.

мәркизи америка қошма иштатлириға җайлашқан ахбарат оргини бломбергниң  һиндистанниң 4 әмәлдарини мәнбә көрситип елан қилған хәвиридә, 28 – ийун күни һиндистанниң ихтилаплиқ чегра райониға кәм дегәндә 50 миң әскәр әвәткәнликини билдүргәниди.

алақидар тармақлар, әскәрләрдин сирт йәнә, районға еғир типтики қорал – йарағлар вә уруш айропиланлиридин тәшкил тапқан әтрәтләрниң әвәтилгәнликини уқтурған, һиндистан армийәси болса бу һәқтә рәсмий байанат елан қилмиғаниди.



مۇناسىۋەتلىك خەۋەرلەر