erdoghan putin bilen téléfonlashti

jumhur reis rejep tayyip erdoghan rusiye prézidénti wiladimir putin bilen téléfonlashti.

1683235
erdoghan putin bilen téléfonlashti

türkiye awazi radiyosi xewiri: rusiye pirézidéntliq mehkimisi — krémil yazma bayanat élan qilip, jumhur reis erdoghan bilen pirézidént wiladimir putinning téléfon söhbitide, türkiyediki dala ot apetliri asasliq téma bolghanliqini utqurdi.

mezkur tebiiy apetlerge qarshi küreshte ikki dölet otturisidiki munasiwetning muhimliqi tekitlengen téléfon söhbitide, putin  ot apetlirini tizginlesh üchün türkiyege yardem bérishni dawamlashturidighanliqini éytqanliqi qeyt qilindi.

rusiye – türkiye munasiwetliri toghrisidimu pikir almashturulghan söhbette, tünügün paytext moskwada ötküzülgen türkiye – rusiye hökümetler ara 17 – nöwetlik qoshma iqtisadiy komitét yighinining ijabiy ötkenliki tekitlendi.

téléfon söhbitide, her ikki terepning soda, iqtisad, énérgiye we bashqa saheler boyiche tüzülgen kélishimlerning ijra qilinishi üchün ortaq xizmetlerning dawamlashturulushining muhimliqi otturigha qoyulghanliqi eskertildi.



مۇناسىۋەتلىك خەۋەرلەر