әрдоған путин билән телефонлашти

җумһур рәис рәҗәп таййип әрдоған русийә президенти виладимир путин билән телефонлашти.

1683235
әрдоған путин билән телефонлашти

түркийә авази радийоси хәвири: русийә пирезидентлиқ мәһкимиси — кремил йазма байанат елан қилип, җумһур рәис әрдоған билән пирезидент виладимир путинниң телефон сөһбитидә, түркийәдики дала от апәтлири асаслиқ тема болғанлиқини утқурди.

мәзкур тәбиий апәтләргә қарши күрәштә икки дөләт оттурисидики мунасивәтниң муһимлиқи тәкитләнгән телефон сөһбитидә, путин  от апәтлирини тизгинләш үчүн түркийәгә йардәм беришни давамлаштуридиғанлиқини ейтқанлиқи қәйт қилинди.

русийә – түркийә мунасивәтлири тоғрисидиму пикир алмаштурулған сөһбәттә, түнүгүн пайтәхт москвада өткүзүлгән түркийә – русийә һөкүмәтләр ара 17 – нөвәтлик қошма иқтисадий комитет йиғининиң иҗабий өткәнлики тәкитләнди.

телефон сөһбитидә, һәр икки тәрәпниң сода, иқтисад, енергийә вә башқа саһәләр бойичә түзүлгән келишимләрниң иҗра қилиниши үчүн ортақ хизмәтләрниң давамлаштурулушиниң муһимлиқи оттуриға қойулғанлиқи әскәртилди.



مۇناسىۋەتلىك خەۋەرلەر