нигерийәдә боко һарамниң 91 әзаси тәслим болди

ғәрбий африқа дөлити нигерийәниң шәрқий шималида боко һарам террорлуқ тәшкилатиниң 91 әзаси тәслим болди.

1683173
нигерийәдә боко һарамниң 91 әзаси тәслим болди

түркийә авази радийоси хәвири: нигерийә дөләт мудапиә министирлиқиниң муавин байанатчиси бернард онйеко, борно өлкисиниң охшимиған районлиридики зәрбә бериш һәрикәтлири җәрйанида тәшкилатниң 91 әзасиниң тәслим болғанлиқини билдүрди.

онйеко, зәрбә бериш һәрикити җәрйанида тәшкилат әзалириға тәвә нурғун қорал вә оқ- дориларниң қолға чүшүрүлгәнликини әскәртти.

йеқинқи йиллардин буйан елип берилған һәрикәтләргә қаримай, бу тәшкилат африқадики нопуси әң көп дөләт нигерийәдә изчил һалда еғир бихәтәрлик мәсилиси пәйда қилмақта.

нигерийәдә 2000- йилларниң бешидин башлап мәвҗутлуқини һес қилдуруп келиватқан боко һарамниң 2009-йилдин буйанқи кәң көләмлик зораванлиқ һәрикәтлиридә 20 миңдин артуқ адәм қаза қилди.

бу тәшкилат 2015- йилдин башлап дөләтниң чегра қошнилири камерон, чад вә нигердиму һәр хил вәқәләрни туғдурди. тәшкилатниң чад көли ойманлиқидики һуҗумлирида кәм дегәндә 2000 адәм һайатидин айрилди.

йүз миңлиған киши дөләттики террорлуқ һуҗумлири вә тоқунушлар сәвәбидин көчүшкә мәҗбур болмақта.



مۇناسىۋەتلىك خەۋەرلەر