malayshiya, iyordanie, ezerbeyjan we bosniye - girétsigowéna: türkiyege yardem bérishke teyyarmiz

malayshiya, iyordanie, ezerbeyjan we bosniye - girétsigowéna türkiyening ot apitige qarshi kürishige yardem bérishke teyyar ikenlikini uqturdi.

1683117
malayshiya, iyordanie, ezerbeyjan we bosniye - girétsigowéna: türkiyege yardem bérishke teyyarmiz

türkiye awazi radiyosi xewiri: malayshiya tashqi ishlar ministiri hishamuddin hüseyin ijtimaiy alaqe torida bayanat élan qilip, «malayshiya türkiyede we qedirlik qérindishim (tashqi ishlar ministiri) mewlut chawushoghluning yurti bolghan antalyada yüz bergen dala ot apitide hayatidin ayrilghanlargha chongqur teziye bildüridu» dédi.

hishamuddin hüseyin bayanatida: «bu qiyin peytlerde dualirimiz türkiye hökümiti we xelqi bilen birgidur» dégen ibarilerge orun berdi.

malayshiyadiki malayshiya islam teshkilati meslihetchiler komitétimu ot apiti munasiwiti bilen bayanat élan qilip, türkiyege teziye bildürdi.

iyordaniyemu dala ot apitige qarshi küresh qiliwatqan türkiyening yénida turidighanliqi toghrisida yazma bayanat élan qildi.

iyordaniye tashqi ishlar ministirliqi bayanatchisi deyfullah elfayiz, türkiyediki ot apitide hayatidin ayrilghanlarning tughqanlirigha teziye bildürüp, «iyordaniye mushundaq qiyin waqitta qérindash türk xelqi bilen bille» dédi.

yene bir tereptin, ezerbeyjan jiddiy ehwallar ministirliqigha qarashliq etretning tunji türkümi dala ot apitige qarshi turush kürishige yardem bérish üchün mughlagha yétip keldi.

bakudiki heyder eliyéw ayrodurumidin ayropilan bilen dalaman ayrodurumigha yétip kelgen 100 kishilik guruppa ot öchürüsh xizmitige yardem béridu.

bosniye-gértségowinadiki ikki milletning biri bolghan bosniye-hersek birleshmisimu, türkiyening oxshimighan rayonlirida yüz bergen dala ot apetlirini kontrol qilish xizmetlirini qollash meqsitide yardem ewetidighanliqini élan qildi.


خەتكۈچ: #uyghurche , #ot apiti , #türkiye

مۇناسىۋەتلىك خەۋەرلەر