firansiye detalashliq «térrorluqqa qarshi turush we istixbarat qanuni»ni maqullidi

firansiyede detalash qozghighan «térrorluqqa qarshi turush we istixbarat qanuni» asasiy qanun kéngishi teripidin testiqlandi.

1683241
firansiye detalashliq «térrorluqqa qarshi turush we istixbarat qanuni»ni maqullidi

türkiye awazi radiyosi xewiri: detalashliq «térrorluqqa qarshi turush we istixbarat qanuni»ning musulmanlarni kemsitish qilmishlirini éghirlashturuwétishdin endishe qilinmaqta.

buning bilen, 2017 -  yili yolgha qoyulghan ichki bixeterlik we térrorluqqa qarshi turush qanunidiki tedbirler menggülük asasqa ige qilinghan boldi.

«térrorluqqa qarshi turush we istixbarat qanuni» 22 -  iyul firansiye parlaménti teripidin maqullanghanidi.

qanun munasiwetlik dairilerni térrorizmgha qarshi küresh dégen nam astida buningdin ilgiriki jiddiy halet sewebidin waqitliq taqiwétilgen ibadetxanilerni toluq taqiwétish salahiyitige ige qilidu.

héchqandaq bir jinayet sadir qilish bilen eyiblenmigen bolsimu, emma gumanliq ikenliki bildürülgen kishilerge cheklime qoyushmu qanunni detalashliq halgha chüshürüp qoyghan amillarning biri hésablinidu.

bu qanunning istixbaratqa alaqidar qismi bolsa, intérnét izdesh sanliq melumatlirini ruxsetsiz tehlil qilishni öz ichige alidu. bu ehwalning kishilerni qalaymiqan qara tizimlikke kirgüzülüshige yol échishidin endishe qilinmaqta.



مۇناسىۋەتلىك خەۋەرلەر