фирансийә дәталашлиқ «террорлуққа қарши туруш вә истихбарат қануни»ни мақуллиди

фирансийәдә дәталаш қозғиған «террорлуққа қарши туруш вә истихбарат қануни» асасий қанун кеңиши тәрипидин тәстиқланди.

1683241
фирансийә дәталашлиқ «террорлуққа қарши туруш вә истихбарат қануни»ни мақуллиди

түркийә авази радийоси хәвири: дәталашлиқ «террорлуққа қарши туруш вә истихбарат қануни»ниң мусулманларни кәмситиш қилмишлирини еғирлаштуруветишдин әндишә қилинмақта.

буниң билән, 2017 -  йили йолға қойулған ички бихәтәрлик вә террорлуққа қарши туруш қанунидики тәдбирләр мәңгүлүк асасқа игә қилинған болди.

«террорлуққа қарши туруш вә истихбарат қануни» 22 -  ийул фирансийә парламенти тәрипидин мақулланғаниди.

қанун мунасивәтлик даириләрни терроризмға қарши күрәш дегән нам астида буниңдин илгирики җиддий һаләт сәвәбидин вақитлиқ тақиветилгән ибадәтханиләрни толуқ тақиветиш салаһийитигә игә қилиду.

һечқандақ бир җинайәт садир қилиш билән әйибләнмигән болсиму, әмма гуманлиқ икәнлики билдүрүлгән кишиләргә чәклимә қойушму қанунни дәталашлиқ һалға чүшүрүп қойған амилларниң бири һесаблиниду.

бу қанунниң истихбаратқа алақидар қисми болса, интернет издәш санлиқ мәлуматлирини рухсәтсиз тәһлил қилишни өз ичигә алиду. бу әһвалниң кишиләрни қалаймиқан қара тизимликкә киргүзүлүшигә йол ечишидин әндишә қилинмақта.



مۇناسىۋەتلىك خەۋەرلەر