talibanning yéqinqi hujumlirida 2 mingdin artuq kishi jénidin ayrilghan

türkiye awazi radiyosi xewiri: afghanistan tinchliq ministirliqi zorawanliqlarni azaytish we közitish idarisining bashliqi sayed abdullah hashimi kabulda ötküzülgen axbarat élan qilish yighinida, taliban qoralliq küchlirining yéqinqi töt ayda 22 ming hujum qilish weqesini peyda qilghanliqini bildürdi.

sayed abdullah hashimi bu mezgilde qilinghan hujumlarda 3 ming 21 kishining yarilanghanliqini we 2 ming 566 kishining jénidin ayrilghanliqini eskertip, ölümlerning taliban qoralliq küchlirining adem bomba, rakétamiyot hujumliri, toqunush we her xil süyiqestler netijiside meydangha kelgenlikini tekitlidi.

u talibanning hujumi sewebidin 621 mektepning taqalghanliqini we minglarche oqughuchining maariptin mehrum qalghanliqini eskertti.

u yene, talibanning hujumlirigha dölet xewpsizlik tarmaqlirining jawab qayturghanliqini we qayturma hujumlarda minglarche taliban qoralliqlirining öltürülgenlikini bildürdi.

u toqunushlar sewebidin minglarche ailining yurt-makanliridin ayrilghanliqini eskertip: «taliban qoralliq küchliri kontrolluqi astidiki rayonlarda xelqni asasiy heq-hoquqliridin mehrum qilip, ulargha zulum salmaqta» dédi.

afghanistanda tinchliq musapisi éniqsiz turuwatqan bolup, hökümet armiyesi bilen taliban otturisidiki shiddetlik toqunush dawamlashmaqta