пентагонниң һәрбий вә мәмурий хадимлириға ваксина әмлитиш бәлгилимиси йолға қойулди

америка дөләт мудапиә министирлиқи (пентагон, бәш бурҗәклик бина) барлиқ һәрбий вә мәмурий хадимлардин вухән вируси (Kovid-19) ваксинаси әмлитишни тәләп қилди.

1682942
пентагонниң һәрбий вә мәмурий хадимлириға ваксина әмлитиш бәлгилимиси йолға қойулди

түркийә авази радийоси хәвири: америка дөләт мудапиә министирлиқниң ахбарат ишханисидин елан қилинған йазма байанатта, министирлиқниң пирезидент җо байдинниң вухән вирусни йиңиш вәдисиниң әмәлгә ешиши үчүн тез сүрәттә һәрикәт қилғанлиқи қәйт қилинди. байанатта мундақ дейилди:

«пирзидентниң йолйоруқи бойичә, министирлиқниң барлиқ һәрбий вә мәмурий хадимлардин ваксина әмлитиш тәләп қилиниду. ваксина әмләтмигән йаки ваксина әмлитишни халимиған хадимларниң маска тақиши, иҗтимаий мусапә қаидәсигә диққәт қилиши, пиланлиқ һалда саламәтлик тәкшүрүтүш тәлипигә бойсунуши вә рәсмий сайаһәт чәклимилири категорийәси ичидә болуши керәк болиду.»

пирезидент җо байдин түнүгүн (2021-йили 29-ийул) йеқинқи һәптиләрдә көпийишкә қарап йүзләнгән вухән вирусиға мунасивәтлик вәқәләргә қарши елан қилған һәрикәт пиланида, милйонларчә федератсийә хизмәтчилиригә, ваксина әмлитиш йаки маска тақаш, һәптилик саламәтлик тәкшүрүтүш вә иҗтимаий мусапә қаидәсигә бойсунушни мәҗбурий қилған иди.

у ақсарайда елан қилған байанатида, дөләт мудапиә министирлиқиғиму чақириқ қилип, армийә хизмәтчилиригә мәҗбурий әмлитиши керәк болған ваксиналар тизимлкигә вухән вирусиниң қошулуши керәкликини әскәрткән иди.



مۇناسىۋەتلىك خەۋەرلەر