хитай билән русийә армийәси келәр ай бирләшмә һәрбий маневир өткүзидиған болди

хитай - русийә бирләшмә һәрбий маневири мәқситиниң, русийә билән хитайниң уруш қилиш ирадиси вә иқтидарини намайан қилиш икәнлики билдүрүлди.

1682727
хитай билән русийә армийәси келәр ай бирләшмә һәрбий маневир өткүзидиған болди

түркийә авази радийоси хәвири: русийә дөләт мудапиә министирлиқиниң байанатида, русийә армийәсидин бәзи қисимларниң авғустниң оттурилирида хитайда өткүзүлидиған «өзара тәсир көрситиш 2021» намлиқ һәрбий маневириға қатнишидиғанлиқи билдүрүлди.

бирләшмә маневирға тәхминән 10 миң әскәрниң қатнишидиғанлиқи уқтурулған байанатта, һәр хил типтики һәрбий айропилан вә бронивик аптомобилларниңму қатнаштурилидиғанлиқини әскәртилди.

байанатта, «маневирниң мәқсити русийә-хитай мунасивитини шундақла кәң-көләмлик һәмкарлиқ вә истратегийәлик өзара тәсирни күчәйтиш һәмдә икки дөләтниң қораллиқ күчлири оттурисидики һәрбий һәмкарлиқ вә достлуқ сәвийәсини йуқири көтүрүштин башқа йәнә, русийә билән хитайниң уруш қилиш ирадиси вә иқтидарини намайан қилиштур»  дегән сөзләргә алаһидә орун аҗритилди.

 



مۇناسىۋەتلىك خەۋەرلەر