nyuyorkta ishchi - xizmetchilerdin waksina emlitish yaki her hepte tekshürüshtin ötüsh telep qilindi

amérika qoshma ishtatlirining nyu york shehiride ishchi - xizmetchilerge 6 – séntebirgiche waksina emlitish yaki her heptide bir qétim yuqum tekshürüshidin ötüsh sherti qoyuldi.

1682130
nyuyorkta ishchi - xizmetchilerdin waksina emlitish yaki her hepte tekshürüshtin ötüsh telep qilindi

türkiye awazi radiyosi xewiri: nyu york waliysi andréw kumo bayanat élan qilip, ishtat miqyasidiki texminen 250 ming ishchi – xizmetchige wuxen wirusi (kowid – 19) din yuqumlinishtiki éshishning aldini élishi üchün waksina emlitish yaki heptilik yuqum tekshürüshidin ötüsh sherti qoyushqa mejbur bolup qalghanliqini bildürdi.

dölet igilikidiki doxturxanilarda ishleydighanlarning waksina emlitishtin bashqa tallishining yoqluqini bildürgen kumo, xususiylar igilikidiki sahelerdikimu xizmetchilirini we xéridarlirini waksina emlitishke righbetlendürüshke chaqirdi.

nyu york sheherlik hökümet bashliqi bil dé blasiomu 26 – iyul élan qilghan bayanatida, sheherdiki oqutquchilar we saqchilarni öz ichige alghan sheherlik hökümet qarmiqidiki 340 ming xizmetchidin 13 séntebirgiche waksina emlitishni, emletmigenlerdin her hepte tekshürüshtin ötüshni telep qilidighanliqlirini éytqanidi.


خەتكۈچ: #uyghurche , #waksina , #amérika

مۇناسىۋەتلىك خەۋەرلەر