ким җоңун бейҗиң билән болған қойуқ мунасивәтни давамлаштуридиғанлиқини тәкитлиди

шималий корейә рәһбири ким җоңун корейә урушида һайатидин айрилғанларни хатириләш паалийитидә бейҗиң билән қойуқ алақини сақлап қалидиғанлиқи тоғрисида вәдә бәрди.

1682247
ким җоңун бейҗиң билән болған қойуқ мунасивәтни давамлаштуридиғанлиқини тәкитлиди

түркийә авази радийоси хәвири: KCNA хәвәр агентлиқи, шималий корейә рәһбири корейә урушида һайатидин айрилған хитай әскәрлиригә болған һөрмәтни ипадиләш үчүн йасалған достлуқ мунарини зийарәт қилғанлиқини, буниң ким җоңун 2011- йили вәзипигә олтурғандин буйанқи үчинчи қетимлиқ зийарәт икәнликини хәвәр қилди.

ким җоңун пайтәхт пйоңйаңда өткүзүлгән мурасимда корейә урушида һайатидин айрилған хитай әскәрлиригә еһтирам билдүрди вә у йәрдә сөз қилип: «шималий корейә еғир синақларни баштин кәчүрүватқан бир пәйттә җанлирини тикип, корейә хәлқиниң  муқәддәс вә тарихий күришигә йардәм қилған хитай хәлқиниң мувәппәқийәтлири мәңгү йашайду» деди.

ким җоңун йәнә, икки дөләт оттурисидики достлуқ риштисиниң ортақ нишанни бойлап әвладму әвлад давамлишидиғанлиқини тәкитлиди.

хитай, уруш тохтитиш келишими билән ахирлашқан корейә урушида, җәнубий корейә вә америка башчилиқидики б д т қисимлириға қарши шималий корейәниң сепидә туруп уруш қилғаниди.



مۇناسىۋەتلىك خەۋەرلەر