германийәдә химийә завутидики партлашта 2 киши қаза қилип, 31 киши йариланди

түнүгүн германийәниң леверкусен шәһиридә «Currenta» ширкитигә тәвә химийә завутиниң қаттиқ ташландуқларни көйдүрүш бөлимидә йүз бәргән партлашта қаза қилғанларниң сани 2 кишигә йәтти.

1681590
германийәдә химийә завутидики партлашта 2 киши қаза қилип, 31 киши йариланди

түркийә авази радийоси хәвири: «Currenta» ширкити тәрипидин елан қилинған байанатта, партлашта икки кишиниң қаза қилғанлиқи вә 31 кишиниң йариланғанлиқи билдүрүлди.

байанатта 5 кишиниң һазирғичә из- дерики йоқлуқи, издәп қутқузуш хизмәтлириниң давамлишиватқанлиқи уқтурулди.

йоқап кәткәнләрдин бирсиниң әрдоған с исимлик түрк икәнлики билдүрүлмәктә.

леверкусен от өчүрүш тармақлириму әқлий иқтидарлиқ телефон ишләткүчиләргә «йуқири дәриҗилик хәтәр» дегән агаһландурушни йоллиди.

шималий рейин-вестфалийә өлкиси ички ишлар министири һерберт реул йәрлик мәтбуатларға бәргән байанатида, партилашниң сәвәби тоғрисида һазирчә бир нәрсә дейәлмәйдиғанлиқини ейтти.

һерберт реул от өчүрүш әтритиниң партлаш районида ичидә 100 миң литир асан йанидиған зәһәрлик ташландуқ бар йәнә бир бакни қоғдаш арқилиқ чоң хәтәрниң алдини алғанлиқини билдүрди.



مۇناسىۋەتلىك خەۋەرلەر