yawropa ittipaqida nopusning %70 i emlengen

yawropa ittipaqida iyul éyi (2021) da qoramigha yetken nopusning %70 ni eng az bir waksina emlesh nishanigha yetkenliki bildürüldi.

1680934
yawropa ittipaqida nopusning %70 i emlengen

türkiye awazi radiyosi xewiri: yawropa ittipaqi komitétining bashliqi ursula fondérléyén bayanat élan qilip, 18 yashtin yuqiri nopusning %57 ning ikki qétimliq waksinani emletkenlikini bildürdi.

u waksina emleshning dawamlishishi kéreklikini eskertip: «délta wariyanti intayin xeterlik. bu sewebtin, özimizning salametlikini we bashqilarni qoghdash üchün pursiti yar bergen barliq kishilerni waksina emlitishke chaqirimen. yawropa ittipaqi yéterlik miqdarda waksina tarqitishni dawamlashturidu» dédi.

yawropa késelliklerning aldini élish we kontrol qilish merkizining yéngi melumatlirida, waksina emlesh nisbiti eng yuqiri bolghan maltada, qoramigha yetkenlerning %84 i eng az bir qétim emlengen bolsa, bulghariyede bu san %18.5 bolghan. daniyede %83.7, gollandiyede %82.7, bélgiye bilen finlandiyede bolsa %78.9 bolghan.

emlitish nisbiti töwen bolghan döletlerning ichide bulgharistandin qalsa, ruméniyede %31.1, latwiyede %44, kirodiyede %47, silowakiyede %47.9 we silowéniyede %49.7 bolghan.

qoramigha yetkenlerning %70 ni emlesh nishanini aprél éyining axirida élan qilghan yawropa ittipaqi, iyulning béshida eza döletlerge   yéterlik miqdarda waksina tarqatqan idi.



مۇناسىۋەتلىك خەۋەرلەر