блинкен тунис пирезидентини кишилик һоқуқ вә әркинликкә һөрмәт қилишқа чақирди

тунис пирезиденти қайис сәид америка ташқи ишлар министири антони блинкен билән телефонда көрүшкәндә, қанунийлиқ вә әркинликләргә һөрмәт қилишни арзу қилидиғанлиқини билдүрди.

1681015
блинкен тунис пирезидентини кишилик һоқуқ вә әркинликкә һөрмәт қилишқа чақирди

түркийә авази радийоси хәвири: тунис пирезидентлиқ мәһкимисиниң йазма байанатиға асасланғанда, америка ташқи ишлар министири антони блинкен түнүгүн (2021-йили 26-ийул) кәчтә қайис сәидқа телефон қилған.

телефон сөһбитидә, тунис пирезиденти қанунийлиқ, кишилик һоқуқ вә әркинликләргә һөрмәт қилишни халайдиғанлиқини, йолға қойулған тәдбирләрниң, асасий қанун етирап қилған идарә-органларни вә дөләтни қоғдаш, шундақла җәмийәт тинчлиқини капаләткә игә қилиш үчүн, асасий қанунниң 80-маддисини иҗра қилиш рамкисида әмәлгә ашқанлиқини илгири сүрди.

америка ташқи ишлар министири блинкен твиттерда, тунис пирезиденти қайис сәид билән телефонда йахши сөһбәт өткүзгәнликини қәйт қилип, тунисниң нөвәттики вәзийитини музакирә қилғанлиқлирини вә тунисниң демократийәсини қоллайдиғанлиқлирини билдүрди.

у йуқиридики байанатидин узун өтмәйла твиттерда йәнә бир байанат елан қилди. у мәзкур байанатида мундақ адеди:

«тунис пирезиденти қайис сәидқа һакимийәтниң асаси болған кишилик һоқуқ вә демократик пиринсипларға бойсунушни тәшәббус қилдим. барлиқ сийасий актийорлар вә тунис хәлқи билән дийалогни давамлаштурушқа чақирдим.»

туниста һөкүмәт вә өктичи партийәләргә қарши намайишлар партлиған болуп, йүз бәргән вәқәләрдә нахда партийәсини өз ичигә алған партийә мәркәзлиригә һуҗум қилинған иди.

тунис пирезденти қайис сәид парламентниң барлиқ һоқуқини тоңлатқанлиқини, парламент әзалириниңму алаһидә имтийазлирини тоңлатқанлиқини, мәвҗут баш министир һишам әлмешишини вәзиписидин қалдурғанлиқини вә өзи вәзипигә тәйинләйдиған баш министир билән һакимийәтни өткүзүвалидиғанлиқини уқтурған иди. тунис армийә қисимлири буниңдин кейин, парламент башлиқи вә нахда партийәсиниң рәһбири рашид әлганнушини парламентқа киргүзмигән иди.

пирезидент қайис сәидниң қараридин кейин, хәлқни тинчлиқ билән күрәш қилишқа чақирған ганнуши, қануний асаси болмиған бу қәдәмни «һәрбий өзгириш» дәп атиған иди.



مۇناسىۋەتلىك خەۋەرلەر